Thursday, May 31, 2007
يوم الفرحة
هذا اليوم يمثل اشياء كثيرة
هو اليوم الذي تركت مصر في من سبع سنين
هو نفس اليوم من كل عام احتفل بقدومه

في مثل هذ ا اليوم بكيت علي حالي و حياتي
في مثل هذا اليوم قابلت انسانا اصبح ابغض انسان لي في الوجود
في هذا اليوم اكتشفت من يحبني بحق

في سنتي
في يومي
هذا
كنت اريد شيئا اخر
بعيدا عن الهدايا والبلونات
ولكن الحقيقة يمكني الحصول علي الدنيا باكملها لو اردت
الا هذا الشئ بذات

فهذا اليوم
يوم ميلادي
اصبح يوم سعادة وطموح والمستقبل
ويوم اتذكر كل شئ اخر

البت اورجانيك كيرت وبقت بتشتري الهدايا لنفسها
ومش بطفي الشمع
عشان مافيش تورتة اساسا

 
posted by Organica at 3:59 PM | 1 comments
Sunday, May 27, 2007
اورجانيك بتاعت زمان

اصدقاء المدرسة اتغيروا
البنات كبرت
اللي بقت مهندسة
واللي اتجوزت
واللي بقت ام
سبحان الله
كلهم اتغيروا حتي انا اتغيرت

التقينا بالصدفة علي موقع فايس بوك
الموقع الخارق الذي اصبح يجمع اصدقاء وعائلات من جميع بقاع العالم

اصدقائي لم يصدقوا انا بنت المدرسة بتاعت زمان
يتعجبون عن حالي
انا كنت البنت الغير محجبة
احب الحياة المدورن
الحياة المتحررة
وارتدي اخر ستايل
والكوافير والمكياج
اين ذهبت اورجانيك بتاعت زمان؟

والان ارتدي الجلباب واكتب عن الاسلام

فيسألون جميعا, ما سبب التغير المفاجئ؟
فالتغير مش مفاجئ ولا حاجة
انا بقالي علي الحال ده منذ سبع سنين واكتر
الحمد لله
فانا اتغيرت بالتدريج

تحدثت مع احدي صديقاتى بتوع زمان علي المسنجر
فهي كانت اقرب صديقة لي في المرحلة الاعدادية
فقالت لي:
" يا اورجانيك ماشاء الله عليكى يارب ربنا يهديني زيك"
فزعلت انها قالت كده
ورديت "يعني ايه يارويا؟ مانت زي الفل اهو؟ بنت جميلة ومحترمة . ياستي مدخديش بالمظاهر" ابتسمت رويا ابتسامة الكترونية

تغيرنا وتغير الجيل بتاعنا
فالبنات بتوع زمان
اللي كانو بيتكسفوا من خيالهم
بقوا ناشطين
لديهم اصدقاء من الولاد والبنات
الخروج والفسح والانفتاح
بقي عادي

فهم يلاحظون التغير الظاهري فقط
ولكني انا نفس الانسانة
بتاعت زمان
بنفس المبادئ
هل هم بنفس الصورة؟

لا اعلم



Labels:

 
posted by Organica at 10:02 PM | 3 comments
Wednesday, May 23, 2007
عمو, لا تلمسني لو سمحت
من المواضيع المهمة اللي كتبت فيها الاخيرة في بلوجي التاني هو كان موضوع التحرش الجنسي للاطفال . تحدثت عن مصيبة عصرنا وامتنا والتحرشات الجنسية التي تصيب اطفالنا اناث وذكور
فانا تربيت في مصر ورأيت مئات من حالات التحرش. فاتذكر حرص امي علي انا واختي
فكانت تمنعنا من البيات خارج البيت و امي لم تتركني ابدا وحدي مع خال او عم وابن خال او ابن عم , وانا في سني الصغير لم افهم ما سبب قلقها الشديد
فكنت اعتبر امي متشددة جدا
ولكني اشكرها الان علي حمايتها لنا
فانا كنت طفلة سمينة قليلا
واتذكر في سني الثامنة نظرات الرجال لي
فانا كنت طفلة بريئة لا افهم شئ ولكن امي الوعية لم تتركتني للحيوانات المرضي
فما بال الاهالي الغافلة؟ وما حال اطفالهم؟

ومن القصص الكثيرة اللي سمعتها عن طريق صحباتي--هو تحرش المحارم
اللي هو منتشر في مجتمعتنا المحافظة بشكل مريب
فالقصص مليئة بصفحات اسلام اون لاين في موقع مشاكل و حلول الشباب
القصص تشيب الراس

فانا انادي الاهالي_احموا ولادكم
في هذا الزمن لاتثقوا باحد
مش معني ان الانسان شيخ او متدين انه لايخظئ
المناظر كدابه زي مابيقولوا والله يعلم ما بداخلنا
فنحسن الظن وفي نفس الوقت نأخذ الحذر

وايضا من اهم النقط في الموضوع هو الحوار المفتوح بين الاهل واولادهم
وايضا تعليم الاطفال عن الثقافه الجنسيه_طبعا بمراعاة سنهم واستيعابهم للموضوع
فمثلا الاطفال في السن الرابعة يمكنكم شرح الممنوع والمسموح
فصديقتي تستخدم هذه الطريقة مع ابنتها
فممنوع اي حد غير ماما تشوف الحتة دي
ولو حد لمسها هناك مفهماها ان المفروض تقول ماما علي كل حاجة علي طول
فالطفلة تشعر بثقة و في نفس الوقت عندها ادراك بسيط

الموضوع مهم وفي غاية الخطورة ياريت نتكلم في الموضوع بصراحة
وبجدية
وانا بدأت اول الحوار

Labels:

 
posted by Organica at 9:03 PM | 2 comments
Monday, May 21, 2007
باي باى اجازة
الكلية حتبدأ من جديد بكره
والله ملحقتش اتهني بالاجازة القصيرة ده
ونفسي اناممممممممممممممممم
بس مش حينفع
عندي درس قرأن
وبعدين شغل
وبعدين كلية
وبعدين واجب
والغ

اقولكم؟
خلينا ناكل مشمش وننسي



لول

Labels:

 
posted by Organica at 7:26 AM | 6 comments
Saturday, May 19, 2007
انا و اختي
انا واختي مختلفين
هي شاطرة مع الناس وانا مش اووي
اختي علي طول جاهزة في رد الاهانة وانا بحسن الظن وببلع الشتيمة
اختي تفهم خباثة الناس واهدافهم ومصالهم المخفية وانا لا افكر اصلا ان في حاجة اسمها مصلحة مخفية
اختي لا تعطي احد شيئا الا لمن يستاهل فانا اعطي الناس بلا عقل وبدون حساب
اختي تحاسب في كلامها مع الناس فهي لاتقول كل شئ عنها وانا العكس كتاب مفتوح يقرأ لكل من يشاء
اختي لها اصدقاء ياما كلهم نفسهم ينالوا رضاها وانا الي بجري علي كل اصدقائي لاتأكد انهم مرتاحون ومبسطون
اختي لاتبالي بمشاعر الاخرين فمشاعرها اهم عندها وانا ادوس علي مشاعري من اجل سعادة الاخرين
اختي تفكر بحكمة وانا افكر بمشاعري
اختي عاشت في مصر وبنت بلد بصحيح وانا لم اعش في مصر في سن الحرية و الانطلاق فاعتبر غشيمة
اختي جميلة جدا وكل من حولها ينبهر بجمالها وانا الناس ينظرولي ويقولوا "بجد ده اختك؟" يعني الشبه مايجبش
اختي مدللة ولا تحمل المسؤلية انا لم ادلل واحمل مسؤلية نفسي
اختي لا تبالي بكلام الناس ولكن انا ابالي
اختي تقدرتعيش في واقعنا
وربنا يستر عليه

نفسي اكون اختي

Labels:

 
posted by Organica at 4:28 PM | 4 comments
Thursday, May 17, 2007
اللعب مع الكبار
اتعزمت عند اصدقاء مصرين علي الفطار
كم احب هذه اللقاءات
الستات المصريات لما بيتجمعوا بيبقوا حكاية
النكت
والضحك
ياسلام
شوفوا كده


وكان في مش كمان
استغفرت ربنا لاني انا كده ضيعت الرجيم و الاتفاقية اللي بيني وبين يونيك
الله يرحمه بقي
ده مش ياناس



والمخلل



مش عارفة ليه الستات مش بيحبوا يتكلموا في حاجة مفيدة
يعني نممنا شوية علي يسري المحترمة والمسابقة العالمية اللي بين ففي عبده ودينا علي من فيهم هرم مصر الرابع
واتكلموا عن النوم والارق اللي بيحصل في اول الزواج و مابعد الولادة
والكلام الكبير ده كله
وانا طبعا مليش
انا البايبي بتاعت الجروب
مليش في الكلام الستاتي ده

ولما فتحنا موضوع الشيعة والعراق والحرب
اتكلمت
وقلت رأي
وطبعا هجموا عليه ومخلونيش اتنفس
قال الشيعة غير مسلمين
و بيرفضوا يأمنوا بسيدنا محمد صلي الله عليه وسلم
اسألهم جبتوا الكلام ده منين ياولاد الحلال؟
قال
عمو احمد بيقول كده
اصل هي كده مع الستات صحباتي
المصادر الموثوق بها حاجة شاذة
وبعدين
عمو احمد هو المصدر
الله؟ حنفتري؟

رحت انا واخدة جنب ولعبت مع اللي في سني-صديقتي جنة
الله عليكي ياجووووووووني
وسبنا بقي من السياسة والكبار
وتعالي نلعب







*G3 ويوسف شاركنا ولعب جايمزعلي موبايلي اللي هو



* معلش ياجماعة اصل بتوع هندسة اتصالات خمس سنين بيفهموا الكلام الكبير ده

Labels:

 
posted by Organica at 4:58 AM | 7 comments
Tuesday, May 15, 2007
علمونا تستخدم عقلنا بقي__بدل كل حاجة حرام حرام
في سنين ماضية ايام الالتزام بالدين وشرائعه اقتنعت بتحريم الموسيقي والاغاني واعتصمت عن كاظم وعمرو دياب لمدة ثلاث سنوات
فوجدت المقاطعة التامة مستحيلة
فالجيم فيه موسيقي
والمحلات فيها موسيقي
والموصلات
والتلفزيون
طيب اعمل ايه؟

بدأت اقرأ في فتاوي تحريم التلفزيون
والافلام
والبرامج
والنساء المتبرجات
يالهوي
فبطلت ده كمان

وبدأ الجهاد النفسي لاني بعشق التلفزيون والافلام
وكانت فترة صعبة
فلقيت نفسي بتلكك وبتفرج علي الاخبار
وبعد شوية
ما قبل وبعد نشرة الاخبار
فاصبح الممنوع مرغوب
فكنت اتفرج علي اي شئ
برامج اطفال ,اعلانات
اي حاجة المهم يكون اسمي قدام التلفزيون

فسألت نفسي هو انا بضحك علي نفسي ولا ربنا؟
استغفر الله
فانا احب الاغاني اللي لها معني
واحب البرامج المفيدة
والافلام المحترمة
فيها ايه طيب؟

اوافق ان العري في الافلام والفيديو كليب حرام
ولكن مش كل الاغاني هكذا

فانا اليوم انتقي الاغاني
فمثلا لقيت اغنية تامر حسني "ارجعلي" فيها معني حرام

فتامر بيقول "انت مالك امري وروحي"
مين ده اللي مالك الامر و الروح؟
الحبيب؟
اعوذ بالله
فالخالق هو القادر
الانسان ضعيف لا حول ولا قوة له

فالمهم مش تعميم حرمان الاغاني
المهم تعليم اولادنا
انتقاء المعاني الجميلة
واستخدام العقل
ولا ايه؟

وعلي فكرة ان بقالي سنتين
مش متابعة التلفزيون زي زمان
وكل ده ليه؟
عشان التلفزيون مابقاش حرام بلنسبة لي
فبقي حاجة عادية
وغير مهمة
سبحان الله

علمونا نستخدم عقلنا بقي
بدل
blind following!

Labels:

 
posted by Organica at 4:46 PM | 6 comments
Sunday, May 13, 2007
النتيجة ظهرت
ظهرت النتيجة
ياجماعة
وبصراحة
البت اورجانيك طلعت جدعة اوي
وجايبة امتياز

وبصراحة؟
انا مبسوطة من البت ده
صبرت وذكرت
ونالت

وكل يوم بتقرب من حلمها

الحمد الله

وقولوا مبروك بقي لاورجانيك الشاطرة
وعقبال مشمش يارب

Labels:

 
posted by Organica at 5:37 AM | 7 comments
Saturday, May 12, 2007
صدقة
صدقة جاريه


Labels:

 
posted by Organica at 8:51 PM | 0 comments
يوميات امرأة مهزومة
لا اعلم ماسبب اختناقي المفاجئ
اشعر بضيق شديد في صدري
فاشعر رغم خروجي و فسحي ان شئ ناقص في حياتي
فانا انسانة حساسة جدا
ورغم جمال الحساسية فانها تضرني كثيرا

فاشعر بالهزيمة اليوم
اشعر باليأس
حين كنت اشعر بالامل بالامس
لما؟

فانا ارغم نفسي علي الخروج الدائم و التعارف علي اشخاص جدد
اشجع نفسي علي التغير
والتحدي

فمثلا انا قدمت علي وظيفة صيفية لم اتخيل في يوم العمل بها_التعامل مع الاطفال ذو الاحتياجات الخاصة


احوال التحدث مع امي بدل الصمت الدائم بيننا
حاولت التقرب من اختي الصغيرة
حاولت ان اكون صديقة افضل
احضر دروس التفسير الاسبوعية
احاول ان ابتسم دائما
ادعي الله بالهداية
الجيم
الشوبينج
الافلام

فلما اشغر بالوحدة الشديدة
والفشل اليوم؟ وهل سيتغير شعوري غدا؟
متي الاستقرار؟

Labels:

 
posted by Organica at 5:11 AM | 7 comments
Thursday, May 10, 2007
الدعاء لمشمش
مشمش بيذاكر ياجماعة
ادعوله بقي
وبعدين
انا مش
بذاكر
طيب ليه مش بدون؟

ياترى ليه؟

كسل بعيد عنكم

طيب تحبوا تشوفوا صور كمان؟ شكله البنا زهق (اصل هو القارئ الوحيد فانا بقول انا اكتبله المدونات باسمه ونقصر. ايه رأيكم ؟ قصدي ايه رأيك يابنا؟)

بلاش صور
اغنيلكم اغنية واهديها للمعجبين اللي هو برده البنا؟

ماشى
ياعيييييييييييييين ياليييييييييييييييييييل
اوبس
نسيت
صوتي وحش
مكانه في الحمام وبس
طيب خدوا الاغنية ده و احمدوا ربنا ان مافيش صوت عل البلوجز كانت تبقي فضايح عالمية في مصر وامريكا ودول الخليج الحبيبة

**
عنوان الاغنية: اصل انا بشرب مياه معدنية من بره

وسلام يابلدي
**

 
posted by Organica at 6:44 AM | 9 comments
Monday, May 07, 2007
الازرق: سماء ومياء وهواء























Labels:

 
posted by Organica at 11:03 PM | 3 comments
مباني

















Labels:

 
posted by Organica at 10:43 PM | 0 comments
اللون الاحمر والاجازة الصيفية

















Labels:

 
posted by Organica at 10:29 PM | 0 comments
Thursday, May 03, 2007
صديقتي الجميلة
افكر دائما في صديقتي
تزوجت بعد الجامعة من رجل غني
فهي جميلة جدا
كان الشباب يتخطفون عليها
لانها مع الجمال زكية وطيبة و يشهد لها الجميع بالاخلاق
فتعرفت بها بعد ان تزوجا منذ ثلاث اعوام وانتقلا الي ولاياتي , فبدأت صداقتي تقوي مع الزمن
فالبنت لذيذة ومرحة وتحب الناس وزجها ايضا
لكنه يحب ان يتحكم في كل شئ_ حتي زوجته

فهو مثلا لا يحب ان اكون قريبة من زوجته لانه خائف من ان يؤثر كلامي فيها
كلامي عن حريتي وحبي للمرح والخروج والعدالة في بيت الزوجية
لا يعلم زوجها اني حتي لو رأيت الزوجة مظلومة فاني لن افرق بيت لاني اخشي الله
فكل ما انصحها به هو الصبر لا اكثر
لكن زوجها لا يعلم هذا

فكل اصدقائها يحسدونها علي حياتها
اختارها دونا عن كل البنات في الجامعة
فهو مر بتجارب شتى
وحتي عنده اولاد

مجتمعنا يغفر للرجل ماضيه
فزوج صديقتي مر بتجاااااااااارب
ومعه اولاد
واستطاع بعد كل هذا الزواج من اجمل بنت في الجامعة لم يقبل لها الزواج من قبل

ولكن مجتمعنا لن تغفر لمرأة بماضي_حتي ان كانت العلاقة حلال
فينظر لها المجتمع كانها عاهرة
لها ماضي
فانها مطلقة
لان اكيد المشكلة فيها

فان ارادت الزواج مرة اخري فلها الرجال في الستون
او تكون زوجة ثانية في السر
وان كانت عندها اولاد
فلها البيت والموت وحيدا

فزوج صديقتي يستمتع بحياة جميلة
ويارب يدوم عليهما نعمة
ولكن في نفس الوقت
المرأة المطلقة باولاد
لن تحظي بمثل هذه الحياة
فلها كلام الناس والموت وحيدا
وحتي ان تزوجت
فلن تنال اوسم ولد في الجامعة
ستتزوج رجل في الستون

اعلم انني اظلم الصورة
وان في حلات استثناء
ولكن الحقيقة واضحة

الظلم

Labels:

 
posted by Organica at 1:13 PM | 7 comments
Tuesday, May 01, 2007
اكلت ماليزي
ذهبت الي القرية الصينية مع صديقتي احتفالا باتمام المشروع


اكلنا في مطعم ماليزى


الاكل كان رائع
انا طلبت فراخ بالكاري
الطبق حار ويتميز بالبهارات الماليزية المعروقة
يممم بمم


وحبي الفظيع هو السوشي الياباني
فطلبت
Shrimp Tempura Roll




صاحب المطعم كان مرحب جدا
فنزل لنا الحلو علي حساب المحل
وبصراحة انا مش عارفة هو ايه الحلو بالظبط
بس طعم البتاع زي البليلة
قلت بسم الله وغمضت زي سمير غانم في مسرحية المتزوجون
والحمد لله النور مطفاش
جت سليمة


ادعولي
حان
اسبوع
الامتحانات

Labels:

 
posted by Organica at 2:58 AM | 3 comments