اد ده
هى الحاجات دى عندكم كمان فى امريكا
ده انا كنت فاكرها فى بحر الظلمات اللى احنا فيه فى الشرق الأوسط
عموما
بلاش نستنى حد يعلمنا وخلينا نحاول فى
السلف ليرننج

وصباح الفل

عندنا كل حاجة في امريكا

يعني انت مش حتعلم نيمو؟
المفروض يعلمونا
the tools
عشان نعرف نفرق بين الغلط والصح والحلال والحرام
مش كل شوية يطلعوا بفتوي
حرام الهرش
حلال الضحك

فاهم قصدي؟

الخطاب الديني مش بيشجع التفكير
هم بيفكرولنا
واحنا
وراهم
شيييييييييييييييييييي
وبنفذ

لول

كنت بسمع درس قريب لاحد الشيوخ... فقال كلمة جميلة جداً...

قال .. عقلك اوصلك للاسلام والالتزام.. بعد ذلك عندما يكون هناك اوامر من الله عزوجل الغ عقلك...

وضرب مثالاً.. واحد راح لدكتور.. عشان تعبان.. وعيدن الدكتور وصفله دوا معين وقاله خذه عدد من المرات في اليوم..

هو هنا استخدم عقله لكى يذهب الى الطبيب عندما شعر بالمرض.. بعدما ذهب الى الطبيب.. ووصف له الدواء.. هل استخدم عقله وقال له ليه الدوا ده؟؟ وليه اخده 3 مرات مش 10؟؟ لا هو لم يساله لانه يثق به.. ولانه من الاخر لغى عقله وسلمه للخبير...

وكذلك نفعل .. مع الله عزوجل.. عندما يامرنا بالفعل.. نستجيب دون ان نناقش.. مثلاً.. لماذا في الطواف.. سبع مرات؟؟ ليه مش 10؟؟؟

الله عزوجل امرنا بسبعة.. وهكذا الامر يسير كذلك..

مش معنى ان في موسيقى في الجيم والمحلات والمواصلات ان هذا صحيح.. طيب ما المتبرجات في كل حتة!! ولا ايه؟؟؟

تخيلي كده يا اورجانك شباب المسلمين قاعدين مقضينها اغاني وافلام ومسلسلات .. وحال الامة الي يبكي دلوقتي ده.. يبقى حالنا هيبقى ايه اسوا من كده؟؟

في الاندلس ارسل يوماً ملك فرنسا جاسوساً ليستعلم منه على حال المسلمين.. فوجد شاباً يبكي.. فقال له لم تبك؟؟ قال اصبت 9 اسهم فقط من 10؟ فرجع الجاسوس الى ملكه وقال له لو غزوتمهم الان ستقطعون وتقتلون...

ثم عاد بعد فترة فوجد شاباً يبكي فقال له لم تبك؟؟ قال له حبيبتنى تركتني.. فرجع الى ملكه وقال له الان فاهجموا...

وسقطت الاندلس... للاسف

وصل المعني:)؟

بس في نفس الوقت مش كل حاجة قفش يعني.. ومفيش حاجة اسمها مفيش تليفزيون نهائى لا مش كده.. نتفرج على التليفزيون فيما يفيدنا ويفيد امتنا.. وفي نفس الوقت نسمع اناشيد تشد من عزمنا للعمل لامتنا.. وليست اغاني تثير فينا الشجون والشهوات والحب في غير وقته..

الواحد يخرج ويتحرك ويروح كافيهات ومطاعم ويروح هنا وهنا.. ويمارس حياته الطبيعية بكل اريحية.. بس بالضوابط التى وضعها لنا الشرع..

يعني مثلاً من الافضل شرعاً عدم التواجد في مكان كله رقص وغناء وخمر وو.. فمرحش مثلاً الاماكن دي

في نهي عن الغناء والاغاني التى تثير الشهوات والحب بين الشباب والبنات وتشغلهم باشياء ليست في موضعها الان.. خلاص يبقى ابعد عنها...

ساعات كتير اوي.. الواحد بيتخلى عن متع شخصية بيحبها.. عشان دينه وامته واسلامه وربه...

وصل المعنى:)?

وبعدين انتى بتجيبي وقت منين كل ده.. بتدوني عربي وانجليزي وكل شوية بوست.. حرام يعني.. الناس الي زينا هتحسدك..:D:D
الواحد يادوبك بيحاول يهرب من المذاكرة عشان يكتبله بوست كل تلات اسابيع ولا حاجة... مش ادمية الي بيعملوه فينا في الكلية ده
:'(:'(


اسال الله عزوجل ان يجعل كتاباتنا في موازين حسناتنا

ياسيدي اولا ربنا معاك في الامتحانات يارب
عندي اخويه مشمش برده في نفس المركب
ربنا معاكم ان شاء الله
وتكونوا فخر لينا ان شاء الله

المهم

نركز

علي فكرة ياباشا انت معظم الدروس اللي سمعتها هي من نفس الدروس اللي انا بسمعها

وانا معاك ان في اوامر من الله عز وجل مافهاش عقل
ولكن لما تيجي في تحريم حاجة فيها كذا رأي
نبقي لازم نفكر

والاغاني والتحريم كان مثل
تعالي نبص للصورة اكبر شوية

انا لما الشيخ يقولي كل انواع الموسيقي حرام وانا مش بلتزم بكلام الشيخ عشان انا لسه ربنا مش هاديني
وجيت اسمع اغنية تامر الجديدة من غير مافكر
يبقي ايه؟
الشيخ ريح نفس وحرم كل حاجة بدون ان يفهمني انا المسلم ازاي اعرف الصح من الغلط

فمثلا في تربية الاطفال
عاوزين الطفل يتعلم ان النزول من سلالم البيت لوحده غلط
بس كمان عاوزين يفهم لما يشوف اي سلم يبقي نفس الحكاية
ممنوع نزوله لوحده
فانت بتعطي الطفل الادوات التفكير
to discriminate between right and wrong
ولما حد يكبر دماغه ويعمم الانسان مش حيتعلم يفكر بعقله

وده المفروض الخطاب الديني يركز فيه
ازاي الشباب يقدر يستخدم عقله للوصول لنفس النتيجة
بدل مانكون خرفان بلا عقل

**
وبالنسبة للاناشيد "الاسلامية"
فيسيدي
ماهو الفرق؟
الشباب علي منتديات اخوان اونلاين شغلين فيديو كليب اناشيد
وبوسترز
ووصل الامر ان احد المنشدين؟
احمد رامي وحاجة زي كده
صوته زي كاظم
والاخوات كلهم كانوا مبسوطين ان في بديل لكاظم

ليه ياجماعة؟ بنضحك علي مين؟
الواقع عندنا
لازم نتعلم نختار الصح من الغلط

**

لول
وsummer courses will start next week
والاجازة حتنتهي
ومش حدون كتير

انا متفق معاكي جداً في حتة ان الناس بتضحك على نفسها لما يسمعوا موسيقى واغاني لا تفرق عن الاغاني لمرجد ان صاحبها يدعي انه اسلامي...

وقد هاجمت اصحاب هذا المنطق في بوست لي ... وهم بالفعل يضحكون على انفسهم .. وهذا لا جدال فيه

لكن مش معنى ان ناس بتضحك على نفسها انى معرفش الصح من الغلط... هل انتى شايفة مثلاً ان لما اسمع كاظم وهو قاعد بيحب في حبيبته.. هل شايفة ان ده صح؟؟
تخيلي كده لو كل شباب امتنا قعدوا يسمعوا لكاظم وعمرو دياب!!!!!!

امتنا محتاجة رجالة يا اورجانك...
محتاجة رجالة وستات بجد.. عشان نرجعلها مجدها وعزتها...

فهل انتى شايفة ان الستات او الرجالة دول من صفاتهم مثلاً ان هم يكونوا بيسعموا كاظم وعمرو وتامر؟؟؟

الحاجة التانية.. انا كنت من فترة بسمع اناشيد بكمية غير طبيعية طول ما انا بذاكر مثلاً.. والله مكنتش بعرف اجيب قلبي وانا بقرا قران...

فما بالك بالاغاني... متقنعنيش ان حد بيطرب لما يسمع اغاني وهيعرف يجيب قلبه لما يجي يقرا قران.. صعب اوي يا اورجانيك ولا ايه؟؟

عايزين نسيبنا من الناس وندور على الصح ونفعله... وافتكري حديث "فطوبى للغرباء"


بالمناسبة.. في داعية اسلامي رائع.. اتمنى انك تسمعيه.. اسمه دكتور راغب السرجاني.. صاحب موقع قصة الاسلام.. وموع السرجاني.. ابقى حاولي تسمعيله.. استاذ جامعة مع داعية.. فتجدي اسلوب راائع مختلف في الدعوة.. وكل الصوتيات له على الموقعين

اسال الله ان يرينا الحق حقاً ويرزقنا اتباعه ويرينا الباطل باطلاً ويرزقنا اجتنابه..

انا حقولك الصراحة
من تربية الاسلامية لنفسي طبعا انا شايفة انا الاغاني بتاخد الواحد من حفظ القرآن و بيتملي قلب الواحد بالاغاني مش القرآن وذكر الله

انا مثلا اسمع الاغاني ذو معني
وفي نفس الوقت احضر دروس القرآن والتفسير

مش عارفة؟

في اغاني لكاظم كويسة ممكن الزوجة تسمعها لزوجها وهكذا
بس انا مش بحب الفيديو كليب
لان العري والرقص كده حرام

مش عارفة

المهم انا كنت زيك تماما
انا مليش في الموسيفي اوي
بحب اسمع في السيارة او انا بذاكر
وبسمع مجمعوعة اناشيد لاحمد بو خاطر
والغامدي وابو عبد المالك و مشاري العرادة واسامة الصافي

ونفس الوقت اسمع لحليم وكاظم ووائل جسار وانا بحب القصائد والاغاني اللي لها معني وخصوصا الاغاني اللي باللغة العربية بتساعدني في تقوية لغتي

انت عارف امتنا محتاجة ايه يابراء؟
ياما الناس حرموا نفسهم من الاغاني والتلفزيون والمحادثة مع الجنس الاخر
ولسه مافيش حاجة اتغيرت

انا شايفة ان المهم جدا في الموضوع ده كله_المعاملة
للاسف انا اتعاملت مع مسلمين امريمكا من الاخوان والسلفين وشفت بلاوي
واكيد مش كله
شفت من ده و ده
بس يوم ماتكون معاملتنا لبعض ومعاملة الاخرين كويسة الامة ححتغير واللهي

في عيلة كده بقالي سبعة سنين بعرفهم
بجد العيلة جميلة لان ملفتش نظري الدروس والكتب اللي عندهم
لفت نظري معاملتهم مع الناس
مافيش خباثة
علي طول متواجدين للمساعدة
يحبوا الناس من قلبهم
يعني نموذج اسلامي رائع و حتي لو الاولاد بيسمعوا موسيقي وبيروحوا السينما تعالي شوف الاخلاق وحفظ القرآن

المعاملة مهمة جدا في الدعوة والاحترام
وللاسف
الواحد بيكون فاكر عشان هو علي حق ممكن يمشي ويخطب في الناس كانهم ضالين
ده اسمه غرور

ياعالم مين فينا داخل الجنة والنار
ربنا رحيم
وكريم
سبحان الله

العمل مع الثقة في رحمة الله هو الحل