Thursday, May 17, 2007
اللعب مع الكبار
اتعزمت عند اصدقاء مصرين علي الفطار
كم احب هذه اللقاءات
الستات المصريات لما بيتجمعوا بيبقوا حكاية
النكت
والضحك
ياسلام
شوفوا كده


وكان في مش كمان
استغفرت ربنا لاني انا كده ضيعت الرجيم و الاتفاقية اللي بيني وبين يونيك
الله يرحمه بقي
ده مش ياناس



والمخلل



مش عارفة ليه الستات مش بيحبوا يتكلموا في حاجة مفيدة
يعني نممنا شوية علي يسري المحترمة والمسابقة العالمية اللي بين ففي عبده ودينا علي من فيهم هرم مصر الرابع
واتكلموا عن النوم والارق اللي بيحصل في اول الزواج و مابعد الولادة
والكلام الكبير ده كله
وانا طبعا مليش
انا البايبي بتاعت الجروب
مليش في الكلام الستاتي ده

ولما فتحنا موضوع الشيعة والعراق والحرب
اتكلمت
وقلت رأي
وطبعا هجموا عليه ومخلونيش اتنفس
قال الشيعة غير مسلمين
و بيرفضوا يأمنوا بسيدنا محمد صلي الله عليه وسلم
اسألهم جبتوا الكلام ده منين ياولاد الحلال؟
قال
عمو احمد بيقول كده
اصل هي كده مع الستات صحباتي
المصادر الموثوق بها حاجة شاذة
وبعدين
عمو احمد هو المصدر
الله؟ حنفتري؟

رحت انا واخدة جنب ولعبت مع اللي في سني-صديقتي جنة
الله عليكي ياجووووووووني
وسبنا بقي من السياسة والكبار
وتعالي نلعب







*G3 ويوسف شاركنا ولعب جايمزعلي موبايلي اللي هو



* معلش ياجماعة اصل بتوع هندسة اتصالات خمس سنين بيفهموا الكلام الكبير ده

Labels:

 
posted by Organica at 4:58 AM |


7 Comments:
« back home
Post a Comment


At 11:12 AM, Blogger mohamed elbanna

فووول ؟!!
فول ومش كمان
فول ومش ومخلل فى امريكا
حسبى الله ونعم الوكيل
وده استوردوه ازاى ومين سمح بدخوله
والأمن القومى الأمريكى ازاى يسمح بكده
لعنة الفراعنة ؟؟؟!!
هى مفيش غيرها
انا شامم ريحة مشمش فى القعدة دى

 

At 6:56 PM, Blogger Unknown

تصدق انا كمان شامم ريحه مشمش
تفتكر تهيؤات ؟

وبعدين .. مين الجيل التالت ده ؟
:P

وهو ده بقي اللي بعد ما الموبايل الابن يخلف واحد صغنطوط وجده يناديه تعالي يا حفيدي ؟؟؟

ايه ده
موبايلك صغنطوط
هع هع هع هع

ياختي كاميله كركر كر كر

انجغاااه
:P

 

At 3:20 PM, Blogger Organica

تصدق ان الفول في امريكا طعموا احلي من مصر؟

واسكت مرة اكلت صديقة امريكانية فول
وعيني البنت ماستحملتش
جرت علي الحمام
وكانت مشكلة

كان يبقي ايه حالي دلوقتي لو رفعت قضيه علي اختك؟ زماني في الحبس بسبب الفول

صباح الخير بليل

 

At 3:26 PM, Blogger Organica

ايه ده؟ مشمش عندنا؟
ممنوع يااشتاذ
ممنوع عليك التدوين والكومنتز اثناء فترة الامتحانات
ويصدر قرار بالاستيلاء علي كيبورد مشمش من مقره بالاسكندرية حتي اول الشهر

وبعدين خلصنا
انا مش فاضية
رايحة سومينج بعد صلاة الجمعة وخارجة اتفسح مع صحباتي

الله

ربنا معاك ان شاء الله وشد حيلك

اختك اللي معندهاش دم

 

At 5:06 PM, Blogger Unknown

اورجانك مصره تشتغل معايا بنظام الحنتسه الشهير
:D

ماشي .. وماله ؟
بس علي فكره .. انت يادوب اخرك حمام سباحه
انا بقي عندي البحر كله
اعوم فيه واشرب منه كمان ,يالا بقي عشان خاطري اتغاظي شويه

شوفي .. انا بقترح ..حفاظا علي صحتك .. متجيبيش سيره اي فسح الايام دي..زي مانت عارفه في ناس حقوده كتير في هذه الانحاء

 

At 5:40 PM, Blogger Organica

مشمش؟

في امتحان بكره وانت قاعدلي في الكومنتز؟
يلا
بيتك
بينك

ممنوع

ولا كانك هنا

 

At 1:58 AM, Blogger بيتنا القديم

رمضان كريم

كل سنة وانتم طيبين

 


« back home
Post a Comment