الوليه الهندية بت الكلب بروفسر الكمبيوتر مش سايباني في حالي
انا محروق دمي
لانها اسأت ليه المرة اللي فاتت
عينها مش سايباني
هي مضايقة من الطلبة اللي اشتكوا عليها وفاكراني انا منهم
فمطلعي فيه كلوا غلها
صديقتي اليهودية تقول الطيب احسن وبلاش اعمل مشاكل--وده حاجة طبيعية
و النصف الاخر يقول اذهب اشتكيها واتهمها بالعنصرية لان الهندوس فعلا يكرهون المسلمين
لا اعلم ماذا افعل
من جوايه عاوزة الم الموضوع
فاضل اسبوعين علي الترم
ومن ناحية تانية حاسة اني مظلومة وان بت الكلب بتكرهني عشان اسلامي

يارب مش عارفة اعمل
اي حركة تتوقف عليه مستقبلي

تعزفها وانت متضايق
تعزفها وانت وحيد
تعزفها لوحدك
او مع كونسيرتو

تعزفها عالبحر وقت الفجريه
تعزفها وانت شايف معجزه شروق الشمس كل يوم
او في لحظه مطر جامده وانت واقف ورا الشباك بتتفرج
تعزفها وانت نايم علي ضهرك في الضلمه باصص للسقف
تعزفها وانت بتفكر
او وانت سرحان في حاجه شغلاك

بتعزفها كتير قوي
قولي بقي

مش كده تبقي انت فنان ؟

اول ما عملت البلوج ده
كان هدفه التواصل مع الثقافه الاخري .. التعرف علي وجهه النظر التانيه
اللي مش بتاعتنا
الغرب ازاي بيفكر فينا
بس بعد كده لقيت ان في ناس تانيه جوه .. وسطنا محتاجه لينا .. وحتاجين نتواصل معاها
روحت عامل البلوج العربي
بس دلوقتي الاتنين بقو عربي .. ولسه مش عارف ايه اعمله هنا واخليه مختلف؟

بس اعتقد ان في فكره بتتبلور في دماغي وحجربها قريب مع اختنا العزيزه علينا قوي
اورجانك

ادعو بس الفكره تتبلور صح

نحن اما مشكله اهم ما يميزها انها متزايده باطراد

واهم واخطر خصائصها انها بطيئه في التغيير لكن راسخه كالجبل لاجيال... لانها بكل بساطه عباره عن عاده
لو زرعت .. نمت و ترعرعت
لو اهملت
ماتت منذ الصغر واستحال انباتها في الكبر

ولو بحثنا عن اسبابها .. لوجدناها متشعبه عنكبوتيه كغيرها من المشاكل المحيطه بنا الان

فتاره ستجد السبب يحوم حول التعليم .. وتاره اخري تجده يحوم حول عدم الوعي بين الاباء لاهميه هذه العاده
بل واكاد اجزم ان في بعض الاحيان يقوم الاباء بصرف اولادهم عن هذه العاده القبيحه في نظرهم لانها بلا عائد

فالكثير ينظر لها الان علي انها ضيف غير مرغوب في وجوده .. لانه بكل بساطه يذكرها بساعات المذاكره الكئيبه التي يقضونها سواء في المدرسه او في الدروس الخصوصيه

وربما من هذا يأتي سبب انها اصبحت متأصله,لانها مست وتر اخر غير وتر العاده و الهوايه لدي الفرد

اصبحت اكثر من مجرد عاده .. اصبحت ذكري سيئه
ارتبطت ذهنيا بالضغط المصاحب لعشوائيه التعليم في مصر
فاصبحت القراءه العامه و المذاكره في كفه واحده ..كلاهما فعل يصاحبه مجهود ..وبالتالي يحتاج الي راحه واجازه منه

اختفت من حايتنا الرياضه الذهنيه .. وحل محلها الجلوس علي المقاهي او الذهاب للسينما .. او حتي الجلوس علي المنتديات علي الانترنت لساعات في محاوله للتعرف علي اكبر عدد ممكن من الفتيات

ونتائج هذا الوضع للاسف متراكمه
فالبدايه كانت ظهور جيل امي ..جاهل .. لا يعرف عن الدنيا سوي ما تبقي داخل ذاكرته من رفات العمليه التعليميه , اصبح مصدر معلوماته الوحيد هو التعليم ,وتدريجيا فشل حتي النظام التعليمي في ايصال الثقافه الي عقول الطلاب .. لان التعليم تحول الي عمليه حفظ و تفريغ .. وخرج عن اطاره الاصلي

والنتيجه جيل لا يعرف الكتابه و القراءه بلغته الام
جيل
مشوش .. ضائع , معظمه فاقد لهويته

يعرف عن الغرب اكثر مما يعرف عن بلده
يتأسي بالغرب اكثر ما يتبع تقاليده
لانه لم يجد الفرصه ليري شيء سوي الثقافه الغربيه .. لم يتعرف علي ثقافته هو من خلال الاطلاع

معدل القراءه لدي العالم العربي اصبحت ربع صفحه سنويا

تخيلو؟

في الوقت الذي تذهب فيه لاي بلد اوربيه تجد كل الجالسين في المواصلات ممسكين كتب و مجلات و قصص و جرائد ويقرأنها

نأتي نحن الي المكتبات فنجدها خاويه و خاليه

واذا بحثنا داخلها علي ما يستحق القراءه .. لوجدنا القليل , او اقل قليلا

فالمشكله مزدوجه .. من الحكومه التي اطلقت مشروع القراءه للجميع واهدرت موارده علي كتب تستهدف فئه محدده ولم تنوع في مواضيعها بالقدر الكافي .. و شعب تغيرت وجهه نظره تجاه عاده كلها فوائد


مؤخرا قام بائع كتب اوربي بعمل مظاهره قام فيها بحرق مجموعه كبيره من الكتب القديمه و القيمه
الرجل بائع كتب مستعمله لديه الاف الكتب القيمه .. ولكن الاقبال عليه اصبح قليلا
فاراد ايصال فكره جميله

عدم قراءه كتاب.. بنفس مستوي سوء حرق هذا الكتاب للابد

يصعد الخطيب علي المنبر ويبدأ الخطبه

بسم الله والصلاه والسلام علي رسول الله..........وشر الامور محدثاتها , وكل محدثه بدعه و كل بدعه ضلاله ,وكل ضلاله في النار, وما قل وكفي خير مما كثر والهي



الجزء الخطير ده من الخطبه رغم انه بيتقال كل خطبه جمعه تقريبا ,الا انه شايل جواه مفاتيح كتيره للتخلف اللي عايشينه دلوقتي , بصراحه ان مش عارف مين اول واحد قال الجمله دي في خطبه جمعه , بس واضح انها عجبت الناس قوي .. لدرجه انها بقت علي كل لسان

بس تعالو كده نحللها وحده وحده

كل محدثه

كل كلمه تأتي للشمول والعموم , يعني جميع المحدثات من مخترعات علميه و ابحاث و اكتشافات هي محدثات , وكل محاوله لتطوير العلوم الدينيه هي محدثات , وكل محاوله لاضافه جديد هي محدثات .. يعني كل تقدم هو محدث

وكل محدث بدعه
والبدعه في الدين هي استحداث طقس ديني لم يعرف عن الرسول صلي الله عليه وسلم , فالاخوه الخطباء العباقره اكتشفو ان اي محدث هو بدعه لان الرسول لم يفعله وبالتالي ده حرام

كل محدثه بدعه و كل بدعه ضلاله وكل ضلاله في النار

وده بيفكرني بنفس المنطق بتاع

العلم نور و النور كهربا و الكهربا خطر
يبقي العلم خطر

يعني كل خطيب بيطلع كل جمعه يقول الكلمتين دول .. بيحكم بجهله علي كل واحد يضيف جديد في العلم او اي مجال من مجالات الحياه بانه حيخش النار , لانه اتي بمحدث .. وده مش بس شكل صارخ لمدي جهلنا بالدين الايام دي , لا ده كمان بيدل علي مدي تحجر عقول رجال الدين .. وترديد كلام من غير ما يفهموه

ممكن يكون اللي بيقول الكلام ده لا يعي معناه .. وده اسخم , لانه بكده يبقي غير مؤهل لارشاد الناس لانه شخصيا محتاج ارشاد
وممكن برده يكون مؤمن بالكلام ده بجد , ودي كارثه لانه بارشاده للناس يضل اكثر ما يهدي

وللاسف مشكله خطبه الجمعه اذا صح ان تسمي مشكله اصحبت قضيه عامه , يعني (والفضل يرجع للامن) اصبح الخطيب غير مسموح له بالتكلم في اي قضيه شائكه او عامه او سياسيه او اجتماعيه .. عشان الامن يفضل مستتب .. وعشان كده تدريجيا علي مدار ربع قرن تم تفريغ الخطبه من كل معانيها واهدافها واصبحت مجرد ترديد لنفس الكلام كل مره
وده يجيبنا للجزء التاني من المقدمه

وما قل وكفي خير مما كثر والهي

فخطبه الجمعه بقت للاسف تندرج تحت ما كثر والهي اكثر منها قل وكفي
لان الخطيب اصبح يدخل كل جمعه يقول نفس الكلام اللي بيقوله كل جمعه ويعيد و يزيد فيه

يعني لو بصينا حنلاقي ان الخطبه مش بتخرج عن
الجهاد زمان (مع حكايه غزوه من الغزوات) او الطاعه او تربيه الاولاد او اضحيه عيد الاضحي او مناسك الحج او فضل رمضان او مولد النبي صلي الله عليه وسلم وحياته او سيره احد الصحابه

والموضوع ده جميل لو بيتجدد ..لكن انت بتكتشف بعد سنه مثلا ان الكلام بقي بيعيد نفسه بشكل مستفز , ولو انت من المواظبين علي صلاه الجمعه بقي .. حتكتشف بعد 4 سنين انك تقدر تخمن الاحاديث والايات القرانيه في الخطبه بمجرد ما يتحدد الموضوع ومش بعيد كمان تتنبأ بالكلام بتاع الخطيب قبلها
ودي الكارثه التانيه

لانك لو بصيت علي وش معظم الناس اللي حواليك في الجامع
يا اما واحد نايم , او واحد لسه صاحي من شويه و جه الجامع يتأمل في السجاد بتاعه و السقف
او واحد باصص للخطيب وعمال يهز راسه بس من بصه عينه تعرف انه بيفكر في كيلو اللحمه اللي قرب يبقي ب خمسين جنيه

وكتييير بقي من المصلين بقم يختصرو علي نفسهم ويجو علي الاقامه .. يخطفو الركعتين بدل ما يتدبسو في اربع ركعات ضهر , واهم يبقو منها صلو الجمعه جماعه .. ومنها برده تفادو الساعه الاسبوعيه من اللت و العجن

كلامي ده حيزعل ناس كتير مني , بس انا لازم اوضح ان الفئه المقصوده في الموضوع ده , هي الفئه اللي بتردد كلام مش فاهماه .. واي مهنه فيها الحلو و الوحش , الشاطر والخيبان .. وانا هنا بتكلم عن الخيبان بس

افتكر مره كنت فيها في كفر الدوار في مشوار مش فاكر كان هدفه ايه الصراحه , يوميها دخلت قريه مش عارف اسمها وصليت فيها صلاه الجمعه والخطيب ربنا يبارك فيه كان بيتكلم عن الثوره المعلوماتيه اللي بتعيشها مصر

والنت
وقد ايه ده شر مستطير مسلط علينا من الغرب لافساد شبابنا .. الي اخر نظريه المؤامره

بس اللي لفت نظري , انه مكانش اصلا عارف اي حاجه عن الكمبيوتر او النت .. ولا حتي عنده تصور لشكل النت ده ايه .. هل هو حاجه زي التليفون كده ؟ ولا جهاز زي الموبايل؟ بس كل اللي كان عارفه ان البتاع اللي اسمه النت ده مسلط علينا وخلاص
ازاي بقي
وبيعمل ايه
مش مشكلته

طب و خطر ليه ؟
ملوش دعوه , هو بلغ وربنا حيشهد وكده هو عمل اللي عليه

وده يأيد وجهه نظري , لازم الخطيب يكون مؤهل اصلا علميا وفكريا لمواكبه قضايا العصر
يعني لو عايز يتكلم عن موضوع زي النت , لازم يتعلم انه ميتكلمش عن حاجه هو جاهل بيها , يروح ياخد كورس نت , يتعلم ايه فوايده و ايه عيوبه .. وينبه الناس لفوايده و يحذرهم من عيوبه .. مش يجي زي الاطرش في الزفه .. يسمعله كلمتين من واحد معدي في الشارع .. يقوم عامل خطبه جمعه كامله عن موضوع بالنسبه له حاجه خزعبليه ملهاش اول من اخر

افتكر قصه من التراث عن احد الدعاه
طلب منه مره احد المصلين ان يتحدث عن فضل عتق العبيد
و ان يدعو الاثرياء لعتق العبيد والجواري

فوعده الامام الفاضل بتلبيه طلبه , وجه الجمعه التاليه .. ولم يتكلم عنها
فانتظر الرجل الي الجمعه التي تليها
ولم يتحدث عنها
فانتظر الي التي تليها


وهكذا الي ان ظن ان الامام نسي
ولكنه احتراما للامام لم يذهب اليه ثانيه ليذكره عسي ان يتذكر وحده
وبعد حوالي عام
قام الامام بعمل خطبه كامله عن تحرير العبيد .. حتي ان الاثرياء من تأثرهم بعمق الخطبه اعتقو من العبيد الكثير
فذهب اليه الرجل يسأله عن سبب تأخره عام باكمله فاخبره الامام انه لم يكن يملك ثمن جاريه او عبد ليعتقه .. فانتظر عاما يكون ثمن العبد ليعتقه
لانه لم يتعود ان يدعو الي عمل لا يفعله هو .. اراد ان يكون قدوه لغيره .. قدوه بعمله لا بقوله

هذا هو مصدر مصداقيته .. وسبب طاعه الناس له .. ان يرو في افعاله مثالا يحتذي به

مش نلاقي الشيخ جاي والسيجاره في ايده .. و بعد الضهر قاعد علي القهوه بيشيش .. ونروحله في صلاه الجمعه نلاقيه بيقول
لا ضرر ولا ضرار

موسم المشمش بدأ يا جدعان يالا بقي كل واحد يروح ياكل مشمش

انا خلصت امتحانات ,فاضل شويه أن فينيشد بيزنس و ابقي خريج ههدساوي .. وعاطل جديد يضاف لصفوف العاطلين المتراكمين


باركولي